剛周日（1日）沙田跑日馬，苗禮德，文家良及姚本輝等數位練馬師，因身在澳洲墨爾本拍賣會替馬主入貨而缺席賽事。

其中，苗禮德當時遙控督師一樣贏馬，有「真妙星」取得轉廐首場勝利。

該澳洲馬匹拍賣會在今天（3日）才完結，苗禮德已於今晨恢復亮相晨操，可見他心繫明晚（4日）谷草賽事。

今早有一個幾有趣的鏡頭，就是蘇保羅和田泰安一見苗禮德，立即與對方傾談，三個大男人細聲講、大聲笑。

尤其老苗向來cool爆，聽到蘇保羅所說的話題後，都少有地展示燦爛的笑容，而男人間話題通常離不開錢及女人。

其後蘇保羅先行離場，只剩下苗禮德和田泰安繼續傾。

明晚谷草夜賽，苗禮德及田泰安僅憑第二場四班1800米的「靈鋒」合作，而最特別是此馬的上手練馬師正是蘇保羅。

當蘇保羅離場後，手持一叠排位資料的田泰安和苗禮德繼續對話，說不定話題是這匹舊蘇廐部隊呢？

「靈鋒」以往在蘇保羅訓練下取得一場頭馬，建功者正是田泰安。

「靈鋒」上仗配巴度跑田草1600米，後上追得第三，加程跑1800米更合腳法，老苗特意搵贏馬配搭田泰安，擺出搏殺決心。

苗禮德向來喜歡贏轉倉馬，且看「靈鋒」可否繼「怡昌飛駒」和「真妙星」後再省招牌。

-------------------
唔使自己刨得咁辛苦 精選貼士懶人包
即睇【今晚Tip馬夜唔夜】
-------------------
【馬後炮】韋達三大熱門死剩一隻 「無敵勇士」僅敗蔡明紹騎得老襯
即睇陳華棟同Dylan點詳細分析
-------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩