近日多隻中小價股相繼落鑊，成為市場焦點。東亞聯豐投資首席投資總監陳裕雄認為，總會有部分中小價股能夠在牛市中跑出，但由於現時整體企業盈利增長未見全面，建議投資者應首選市場佔有率愈來愈高、盈利增長穩定的行業龍頭，「揸得耐始終都係龍頭」。

至於受內地「金九銀十」帶動的內房股，陳裕雄預料，內地樓市不會有大波動，人民對房屋之基本需求仍然持續，但由於相關板塊股價「跑得太快」，估值上「有少少離譜」，認為內房股風險性較高，更透露指「我哋自己唔係揸咗好多」。

就債股市場前景，陳裕雄指由於市場流動性充裕，企業盈利預期亦有所增長，認為債股市場均有上升空間。陳裕雄補充，港股常受外圍市況波動而有資金流出，他希望隨國內資金持續流入本港市場，令場內資金「Sticky啲（黏性更高）」。

記者：莫亦熙

蘋果財經，關心你飯碗
http://fb.com/appledailyatm