香港都真係凍咗好耐吓，大家都好盼望夏天快啲到，雖然呢幾日天氣都算暖返啲，不過都要著番件外套，但謝婷婷已經急不及待換季。

日前下午約4點幾，見到婷婷同女助手喺中環機鐵站出口外等車，婷婷著住背心仔，坦胸露臂，唔知仲以為30幾度咁熱，當時婷婷拎住杯外賣咖啡，邊飲邊等上車，個樣好輕鬆，心情唔錯，呢排頻頻被影到同唔同老外約會，一時外遊。一時又睇戲，早排又同老外新歡去打邊爐，同攝影師戴尚安(Sean)分手之後婷婷都不愁寂寞，生活真係多姿多彩。