拍拖男女最緊張莫過於「見家長」，不小心稍為行差踏錯，說錯半句話也可能鑄成大錯，還有一個「𤓓爆」場面，就是對方家人叫錯拖友為前度的名字，KeKe就遇到這種尷尬事件，「佢阿媽喺同一餐飯，叫錯我個名兩次，叫我做佢前女友個名，好尷尬，有啲嬲。」

拍拖2年仍叫錯

KeKe的遭遇有很多BeautyExchange姊妹共鳴，Mameimei稱，「我都試過一日俾人叫錯兩次，唉！只好扮聽唔到啦，不過個心就唔係好舒服。我同男朋友一齊已經差不多兩年了，佢啲屋企人仲叫錯我個名，好心灰呀。」
RChan更無奈，「我男朋友屋企個電話，旁邊大大隻字寫佢前女友電話號碼，我已經同佢一齊6年，唔知今年張紙仲喺唔喺度。」MAG則說不介意被叫錯名，反而擔心家人口快快出事，「我表弟妹試過玩得興奮得滯，叫錯我𠵱家男友做前度個名，我即刻滴汗，好彩佢好似無乜嘢咁。」「珍。愛。麗絲」看完網友討論後恍然大悟，「唔通因為（驚叫錯名）呢個原因，Auntie先叫我做阿妹？」