十九大開幕在即，又係整頓/清理門戶/投誠表忠好時機。

要整頓嘅，包括電視節目。

電視節目有好多種，但係喺強國，最好就係得一種，最好就係做官方喉舌。

噚日湖南省紀委檢察廳官網發佈中共湖南省委對湖南廣電巡視「回饋以及整改的結果」，指湖南衛視部份節目存有問題，其中親子節目《爸爸去哪兒》被點名批評，指其為吸引觀眾眼球，存在過度消費明星子女之嫌，不利青少年健康成長，被國家廣電總局決定叫停。(文章連結: http://bit.ly/2iPkiz6 )

湖南衛視似乎「好大鑊」，因為報告仲指出，湖南廣播電視台部份頻道作為「黨的喉舌」，價值取向有偏差，「表面上是相關頻道節目把關不嚴，實則反映台委政治敏感性不強。」

大陸傳媒大部份都係引述這篇來自三湘風紀網的文章，洋洋萬字。「愛國喉舌」——《文匯報》亦有報道，更指廣電總局已勒令停播《爸爸》。不過，去番廣電總局官網，卻未見相關公佈，芒果TV同湖南衛視亦未有公佈。

微博上傳聞滿天，有人闢謠話9月7日會繼播，亦有人話，停播嘅只係衛視，網播繼續，即係大家仲可以欣賞陳小春+陳皮父子檔真情演出，仲有吳尊+女兒NeiNei+兒子Max。

究竟係點，大家似乎都好似瞎子摸象咁，冇人知，就連陳小春經理人都表示不了解：「我們不了解狀況，所以不回應了，謝謝。」

信息不流通，乎合國情。

相關文章：
【愛國就服從啦】陳小春攜子拍《爸爸去哪兒》
被批過度消費明星子女遭抽起
http://bit.ly/2wv1NTL