經過昨日一輪練習及排位賽後，一眾車手經已準備就緒，務求響今日嘅賽事中全力作賽，爭取好成績；而今日最值得大家留意嘅，相信會係新鴻基金融集團香港汽車會路車錦標賽，事關屆時將有超過30部名車出戰，當中包括有由一眾LotusClubHongKong會員駕駛嘅蓮花Elise、SupercarClubofHongKong嘅多部保時捷跑車，以及本田S2000等車款，勢必掀起一場激烈嘅賽事。另外，澳門迷你車迷會盃又會有多部Mini落場，而財神酒店盃及第四屆東亞運動會盃，一眾年輕兼且技術出眾嘅車手，亦會奮力作戰；當然唔少得重有多部老爺車出戰嘅大賽車紀念盃及金禧盃，同埋首次舉行嘅澳門格蘭披治大賽車委員會盃自動波電單車賽啦！各位車迷除可親身到澳門觀戰外，亦可留意本港各大電視台直播各場賽事嘅時間，又或者Click入澳門格蘭披治大賽車嘅官方網頁（網址：www.macau.grandprix.gov.mo ），得悉一齊最新資料㗎！