【冇所謂喎】蕭潤邦中過伏有慘痛經歷 兩手準備老婆生日會
蘋果日報 2019/09/06 16:40
生日江若琳蕭潤邦
蕭潤邦（Oscar）和江若琳（Elanne）今日夫妻檔現身灣仔會展鐘錶展，出席和萬希泉合作設計的陀飛輪腕錶發佈會，Oscar表示自己都是第一次接觸腕錶設計，發現比想像中複雜得多，設計歷時近半年，他說：「隻錶嘅設計將我舖頭logo放咗入去，然後就用咗我老婆最鍾意嘅玫瑰金色，後面仲有我同佢結婚時用嘅logo，所以呢隻錶係送畀佢嘅生日禮物。」
身旁的Elanne就笑話：「咁你咪好著數？話晒都係結婚後第一個生日，好過份呀。」Oscar說：「好有意義㗎，隻顏色你又鍾意。」又稱老婆經常想他製造驚喜，但又經常借故問他準備了甚麼，他說：「好彩佢冇check我電話，唔知道我一路設計緊隻錶。」Elanne笑言不喜歡查看另一半電話。
講到Elanne月底生日，Oscar表示到時都會找來一班朋友跟她慶祝：「佢鍾意熱鬧呀嘛，佢唔鍾意二人世界，嫌我悶。」旁邊的Elanne就說：「其實真係冇所謂，簡簡單單都好開心。」Oscar再補充：「啲女人話冇所謂千祈唔好信，我親身試過，所以點都要有兩手準備，叫定啲朋友上嚟喺門口等，如果佢突然唔鍾意熱鬧就叫班朋友走。」
採訪：曹家誠
攝影：陳慧安
Oscar和Elanne出席鐘錶展，原來Oscar更為老婆設計了一隻錶作為生日禮物。
Oscar笑指好彩老婆冇check電話，這次設計才不會穿煲。
講到月底生日，Oscar說已有兩手準備。