港股稍為回氣，但A股得勢不饒人，滬綜指連升五日，重上2300大關，H指逆市炒上，周線圖更突破2010年以來下降阻力，下一站保守估計睇12500點。
事實上，多隻中資主力如工行（1398）、建行（939）、平保（2318）等升穿阻力，對中資股失望多時嘅戰友，今鋪有望中獎了。

大成交突破下降軌

滬港通即將開通，大家都聚焦港股有乜着數，反而忽略A股其實更受惠。試想想，如果美斯、洛賓、尼馬等星級球員去晒中超踢波，係球員得益定係球市得益呢？你懂的！
中國龍工（3339）平地一聲雷，全因摩通一份報告。該行詳細列舉四大賣點︰一、龍工主打嘅輪式裝載機需求已見底，未來有升無跌；二、龍工於市場有領導地位，可食正行業復蘇，資產負債表亦見改善。三、起重叉車業務成為新增長引擎，上半年收入佔比由10.3%上升至14%，前景睇高一線；四、賺錢能力有改善，上半年毛利率擴闊3.2個百份點至25.5%。現價明年預測市盈率僅7倍，每股資產淨值折讓達四成。
數字無懈可擊，摩通順勢大幅調高目標價24%至1.8元，評級由中性上調至買入。睇圖表，龍工已突破起自去年10月嘅長期下降軌，兼有大成交配合，靚絕！
現價1.51元吸納，用摩通1.8元作目標，潛在升幅19%，屆時預測市盈率依然trade緊單位數。

唐牛
https://www.facebook.com/tongcow88