韓國女團f(x)嘅23歲前成員Sulli近日被爆新戀情，佢3月初宣佈同組合Dynamic Duo嘅37歲成員崔子分手，點知日前就被爆新戀情，撻着34歲圈外男友金民俊，由於有韓媒拍得Sulli同新歡早於2月時已約會，所以Sulli就被網民質疑一腳踏兩船。

不過Sulli一向我行我素，日前疑孖新歡遊古巴，而Sulli亦唔理批評繼續晒相，前日又上載一張新照，當中佢穿上背心真空上陣，繼續唔戴bra，雖然飛晒釘，但網民都睇到習以為常，所以大家焦點就落喺佢髀上，只見佢大髀有條痕，唔知發生乜事，網民都有留言問佢大髀出乜事。