當年今日
關於我們

【頻傳戀才俊富二代】叻女樂瞳雪定卵:年紀唔細,女人青春有限

蘋果日報 2017/06/15 00:02

無綫富二代獨家專訪樂瞳高齡產婦雪卵

「宅男女神」樂瞳出道十年,緋聞多多,去年有報道佢戀上富二代男友David,入住千萬豪宅,又不時出埠旅行,坐遊艇出海嘆世界,可惜女方高調令戀情劃上句號,去年又有指樂瞳有金融才俊男友阿希,不過樂瞳日前接受《蘋果》專訪時,佢強調o依家係single,一個等愛的女人.......
樂瞳噚日先約滿無綫,告別彼此十年賓主關係,回復自由身,樂瞳目標明確,決心闖影壇,再戰樂壇,佢話:「我諗放多三年時間。」心中有數。
莫非想預告三年後出嫁?佢笑晒話:「嫁唔嫁人隨緣,到時出嫁定出家,真係未知之數。使唔使出家我唔知,我年紀唔係輕,都想有自己家庭,唔想做高齡產婦,o依家身邊朋友都討論雪卵子,佢哋都籌謀緊,我諗自己仲可以等多幾年嘅,準備出家(定出嫁?)前雪定。」
真係咁灰?女神點會冇追求者,樂瞳大方直認o依家有人追。追求者數目,佢數數手指話:「五隻手指數得晒,同時了解緊。呢個moment,事業緊要啲,係嚴竣期,愛情三年後先逆轉,希望到時我有家庭,同時愛情都美滿,事業愛情兼得。我覺得呢行,女人青春有限,我o依家會學吓嘢,他朝有一日轉行都得。」樂瞳似暗示婚後有意息影從商,佢話:「時間無多,我個人有樣嘢唔好,就係唔迫到埋身唔做,好臨急抱彿腳。」
empty
empty
攝影:沈健程、馮嘉銘 服裝:Mzjj (淺色裙)
empty
「宅男女神」樂瞳出道十年,緋聞多多。
empty
佢強調o依家係single,一個等愛的女人。
empty
樂瞳目標明確,決心闖影壇,再戰樂壇。
empty
樂瞳話自己年紀唔係輕,都想有自己家庭,唔想做高齡產婦。
empty
佢覺得呢行,女人青春有限。