美國男星占士法蘭高（JamesFranco）近年好鐘意喺網上除衫自拍照博出位，前日佢現身紐約一個愛滋病籌款活動，又再重施故技，喺台度任人除褲，兼露出光滑嘅八月十五娛賓。

愛滋病籌款活動BroadwayBares，前日喺紐約舉行，有逾千名打扮狂野嘅男女入場。當晚主要活動係男扮女裝嘅易服者表演，但荷李活影星占士法蘭高神秘現身，就掀起一陣高潮。

身穿黑色皮褸同牛仔褲嘅佢，走到台上任由易服表演者魚肉，佢更被迫擰轉面背向觀眾，旁邊嘅易服男就扯低占士條褲，令佢於觀眾面前露出白滑靚股，不過占士就早有準備着咗Tback底褲，即刻令在場人士尖叫。