韓國「國民初戀」秀智下周二將會現身銅鑼灣為佢代言嘅法國珠寶品牌DIDIER DUBOT宣傳，並會舉行「DIDIER DUBOT X 秀智SUZY香港首次見面會」。

雖然活動下周二先舉行，但原來秀智已秘密來港，噚晚秀智已經坐飛機來咗香港，據知佢早幾日來港係因為有其他工作進行，所以佢就提早幾日來香港做準備。而噚晚秀智抵港時都有神通廣大嘅粉絲接機，身穿大褸嘅秀智雖然剛剛落機，個樣都幾攰吓，但佢見到粉絲咁熱情，佢都即刻有返晒精神，仲同粉絲勁揮手，又整心心手勢畀粉絲，親民爆燈，其間仲見秀智整咗個打氣手勢，唔知粉絲係唔係叫佢加油，佢又回返禮呢？