每年無綫台慶都是一眾小生花旦晒行頭的大日子，想不到連平日打扮樸實的王喜也加入鬥靚行列，將於明晚舉行的台慶頒獎禮上，佩戴珠寶商贊助價值合共80萬元的鑽飾。

早前王喜曾被拍得與前港台女DJKawaii夜半拖手，但二人毋懼緋聞，日前他再由Kawaii陪同到銅鑼灣周大褔珠寶挑選鑽飾，其間王喜試戴了十多款頸鏈、襟針、手鐲和指環，但在旁的Kawaii指其品味過於大眾化，即着店員收回飾物，再為他親自挑幾件時款鑽飾，而王喜也十分聽話，全部依足Kawaii吩咐。
其實王喜今年憑劇集《爸爸閉翳》角逐最佳男主角及我最喜愛的電視男角色兩個獎項，提到信心問題，王喜說：「都係同以往一樣，志在參與，但我嘅心水係陳豪。」問他會否怕被指為陪跑一族？他笑說：「都要有實力至跑得，跑唔到就等出年，有得跑係好事，最怕係冇力跑啫。」

王喜又稱珠寶商是Kawaii的朋友，加上她的潮流觸覺比自己敏銳，故才照她意思辦。至於為何突然花心思扮靚？王喜說：「Kawaii話我咁多年都冇好好投入過台慶，就趁今年做個好開始，所以就主動幫我搵鑽飾贊助。」王喜如此聽話，不知是否已被Kawaii收服？他只笑說：「邊個有道理就聽邊個啫」
採訪：朱倬誼　攝影：娛樂突發組