呢排娛樂圈俾一班小三籠罩，搞到啲大婆有得震冇得瞓，好似半紅不黑嘅阿呆都係同人夫搭上。劇情發展係點唔好講，但係佢絕對係一個進擊嘅女人，以前做奶媽嗰陣，已經好識得幫自己爭取利益，點都要𢱑着數，一係就黐落人度齊齊影相做訪問，如果攝唔到位，就叫啲星去自己個竇口度影相，借啲意做免費宣傳，對啲星嚟講梗係唔鍾意，無端端要做免費生招牌，但係鬼叫人哋係奶媽，得罪咗真係冇運行！
撰文：關仁