要數今年歐洲嘅當紅新人，一定要提踢緊利華古遜嘅里安拜尼。呢位20歲出頭嘅翼鋒今季已經喺德甲貢獻9個入波同5次助攻，更吸引咗唔少歐洲大球會對佢虎視眈眈。不過，呢位後生仔依然未有代表過任何國家隊上陣，而現時佢會代表咩國家都係未知數。拜尼嘅繼父就指，阿仔可以係英格蘭、葡萄牙、德國，同比利時中間揀1隊。

拜尼嘅繼父兼經理人格列畢拿最近接受傳媒訪問，就話拜尼已經拒絕咗出身地牙買加嘅邀請，「我同我個仔都好愛牙買加，但牙買加足球有好多問題，我曾經向足總提過唔少建議，但佢地無理。」而畢拿指，拜尼有英格蘭同葡萄牙的祖先，以前曾經喺比利時生活過，家下又喺德國踢波，所以4個國家都係潛在選擇，「不過要代表德國國家隊，首先要喺德國住滿7年，我諗個可能性唔高喇。」

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1