今日仙樂都、鄭伊娜去到大坑，為一間餅店主持開幕，仙樂都成日都為食店剪綵，佢就話自己都煮得一手家常便飯，入得廚房出得廳堂，仲叫大家可以考慮追佢，因為已經30幾歲，所以心急結婚搵個伴。

6月2號就係仙樂都嘅34歲生日，佢諗起前男友男友煎羊扒，將玫瑰花瓣舖上枱面為佢慶生日，仲話自己只鍾意浪漫，一啲都唔實際，有意追求仙樂都嘅男士可以安排一下。

鄭伊娜今日就試食咗唔少蛋糕，問到佢怕唔怕肥，佢就話真係唔怕，真係呢間鋪嘅蛋糕用咗一種特別嘅糖，貴過正常嘅糖17倍，但卡路里就低好多，所以伊娜真係唔怕肥。