傅嘉莉（Kelly）、糖兄妹同埋新人張敏潔，今朝去到烏溪沙青年新村，以仁人家園大使身份出席「赤腳builder慈善行活動」。

Kelly同話去年已經跟大會返內地起屋，生日仲捐咗錢比大會，希望略盡綿力，可以幫到更多人咁話。成日都話想買樓投資嘅Kelly，又話去年嘅探訪，令自己有好大感受，因為幸福安穩嘅生活，唔係人人都可以有，所以希望自己事業再努力啲，咁今年就可以捐更多錢出去喇。

Kelly表示政府通過樓市辣招之後，自己未敢再入市，不過可令樓價低返啲，對大家都係一件好事，佢仲話本身想希望30歲前有5個物業，40歲前就買到10個，真係犀利。

至於糖妹一出席完活動，就會去台灣拍MV，不過近日台灣地震就搞到佢好擔心，所以問定台灣朋友有事點避難先喎。