著名粵語片小生張瑛之子、江美儀舊愛張煒，溫馨提示大家，佢就係曾涉足娛樂圈、投考亞視藝員訓練班，且與黎明、江華等人同期畢業那位。

張煒近年長居上海從事茶葉生意，日前佢喺fb出嚴正聲明，稱他在fb上的照片遭不法份子盜用，開設多個fb假帳戶，「總向一些寂寞的婦女埋手騙取感情和金錢，更有詐騙集團盜取複製本人照片後，偽造假香港身份證」。

張煒當日稱，會於短期內回港報警備案。

今日張煒與一眾亞視舊同事，到尖沙嘴出席前亞姐王瑋音樂會記招，請番肖像遭盜用一事，張煒稱：「以我所知，最初係一個社交網站詐騙集團，專向台灣寂寞婦女埋手。曾經有粉絲同我講過被騙80萬台幣。」

「個粉絲係因為我張相而被騙，我覺得我有責任，於是我叫對方過嚟香港，我有責任陪佢一齊報警，但對方話自己家境屬於政治家庭，唔方便將事件張揚，我都冇辦法，但如果冇受害者，得我自己報警，件事又唔成立。」

張煒無奈地謂：「最近網上又有假冒我身份證問女性借錢，令我好無助，或會考慮備案。雖然張身份證號碼同名都係假，但用咗我張彩色相，仲展示埋我媽咪同我寵物相片，我呼籲啲女人唔好受騙於虛擬世界之中，要拍拖都要出嚟見過真人先。」

【張瑛個仔】江美儀舊愛遭盜用相片做偽證：向寂寞的婦女埋手
http://bit.ly/2wgem4r