周一大市成交只有583億元，反映投資者入市意欲相當低，然而，即月期指成交量卻超過13萬張，這情況令筆者感到大戶可能已轉戰期指市場，尤其是大藍籌和國企的股價波幅明顯收窄，根本難以短炒，所以，期指市場變為大戶目標也可能是這些原因。
誠然大戶玩期指是想食大茶飯，絕不會因兩三百點利潤便會感到滿足，因此，大家亦應該有心理預備，未來個市可能會有突破，至於是上破21000點或下破20000點，筆者不敢胡亂推測，因大戶非常蠱惑，根本很難捉路。
現時讀者最需要是睇實以上兩個大位，一旦被攻破，可能會出現一個較大的單邊市。屆時，大家應該知點做了。唔想做投機炒賣的讀者，在這悶市買賣股票是浪費時間，除非你已有獵物，否則唔睇個市仲好。如果一定要買貨，筆者會提議買些逆周期股，例如快餐股。筆者曾在此專欄多次提議買大快活（052），主要是香港人有快餐文化。