儘管「日理萬機」的李嘉誠和霍建寧一直力撐旗下各地3G業務「掂」兼夾「唔急要賣」,但外間一直認為、甚至「睇死」佢哋「必賣無疑」,亦藉住呢個「利好消息」將和黃(013)呢隻藍燈籠的股價炒上去!好似噚日係咁而傳話3UK會賣畀中移動(941)或者中電信(728),和黃即刻有反應,咁如果和黃真係要賣3G,究竟係好定係唔好呢?
大部份人認為,假如和黃將3G呢個止唔到血的腫瘤切除,前景一定美好,「股價更加可以即時彈上90蚊或樓上」,大家都覺得Bloomberg啲料「唔會流得去邊」,佢哋又認為,超人要賣3G仲有兩個理由:一「係幫和黃收拾殘局……玩退休」;二係預備筆錢「隨時用嚟貼楷仔」。