當年今日
關於我們

【短片】【冇得揀】連林峯都走埋 大台小生睇嚟睇去都係嗰幾個.....囉﹗

蘋果日報 2014/08/04 06:00

林峯馬國明陳展鵬黃宗澤蕭正楠

睇番2013年嘅大台節目列表,星期一至五黃金時段嘅三線劇,唔計《愛.回家》,廿二套劇入面馬國明出現咗四次、陳展鵬出現咗三次、蕭正楠出現咗三次、黃宗澤就出現三次...即係話,一年入面,接近六成時間,大家喺屋企睇電視都會見到佢哋...

再睇埋2014年嘅節目列表,暫時呢一刻有16套劇(都係唔計《愛.回家》),四位小生都係佔咗一半有佢哋份...0依家林峯出走埋,大台小生所餘無幾,觀眾唔睇到悶都係呃人啦!

其實,大台都叫力谷其他新人嘅,好似梁烈唯、沈震軒、張繼聰,不過都係嗰句,又係睇嚟睇去都係佢哋...呀,仲有仲有,配角綠葉都係見到三個戲份最多:阿Bob(林盛斌)、古明華同阮兆祥...而且佢哋嘅角色變化唔多,大台嘅劇真係好一成不變0架!