今晚（7日）谷草賽事用A欄，度地儀指數2.69，場地掛牌為好地。如天氣情況許可下，將按計劃在第4場後進行壓地。

睇番最近2月7日同一移欄八場賽事，當晚度地儀指數2.7及掛牌好地，全晚八場俱有內檔馬上名，而且一至四檔更合力包辦逾半頭馬，走外叠好蝕底。

至於跑法方面，放頭馬贏三WIN，不過當晚亦有「順其自然」、「其樂無窮」及「四千金」等從中後叠衝上勝出，偏差唔算嚴重，反而最重要能在彎位守內叠慳位留力。

今戰列陣馬中，第三場「其樂無窮」兩捷谷草2200米均在A欄建功，上仗贏完等番同一移欄再跑，有力再添勝仗。

另外，第五場「靚先生」今季兩次跑谷草A欄獲一勝一位未失三甲，亦係全場唯一贏過此移欄之參戰馬，值得優先捧場。