【好事近】阮兆祥兩個BB喺10月出世 銅鑼灣玩快閃busking
蘋果日報 2019/09/25 19:26
阮兆祥
（攝影：陳慧安）
阮兆祥將於下月25日至27日假旺角麥花臣場館開騷，今日在銅鑼灣玩快閃，為個唱預演，吸引不少市民圍觀。祥仔指自己是參加歌唱比賽而入行，所以對唱歌一直未有放棄，為了今次個唱，他表示下月初將推出新專輯。祥仔唱完《K歌之王》後，市民報以掌聲，他說：「呢段日子都要大家互相愛護、互相鼓勵。」之後，祥仔再唱《分分鐘需要你》，並邀市民合唱互動，最後唱完《紅日》，現場有人大叫「時代革命」。
受訪時，祥仔表示今次是第4次busking，找來12位演唱會樂隊成員。提到演唱會還有一個月便舉行，祥仔說：「心情好緊張，唱片公司打畀我，話新專輯10月4日出，好似連續有兩個BB喺10月份出世，呢張專輯除咗有一首新歌外，其餘都係女歌手嘅歌，唔唱男歌手嘅歌係因為我驚唱贏佢哋，哈哈，講笑啫。」談到演唱會嘉賓，他表示會邀請Judas Law、無伴奏合唱樂團Senza，問到會否邀請好友張曼玉擔任嘉賓，他笑說：「睇下點啦！其實好多朋友主動打嚟問使唔使幫手，我真係好感動，好感恩。」
採訪：黃曉妍
攝影：陳慧安
攝影：陳慧安
祥仔表示下月初將推出新專輯。
今次是祥仔第4次busking，找來12位演唱會樂隊成員參與。
祥仔表示會邀請Judas Law、無伴奏合唱樂團Senza做演唱會嘉賓。