馮仁昭四圍超：苗僑偉女兒着浴袍攬仔
阿爸解畫：畢業旅行相 - 馮仁昭
蘋果日報 2009/07/22 00:00
噚日馮仁昭收到讀者send嚟嘅3張相，一睇之下，原來係苗僑偉（三哥）個女苗彤嘅相，家苗彤已經18歲，亭亭玉立，盡得父母苗僑偉同戚美珍嘅DNA，囡囡都係靚女一族，仲係出名校花。苗彤啲相據知喺澳門某間酒店度影，有兩張係佢着住白色浴袍，身邊有位着灰白間條衫嘅細眼男友仔，手臂仲有個心形圖案，佢哋嘅態度都幾親熱，苗彤影相時面對鏡頭笑晒口，應該明知有人影相。
型爸苗僑偉原來一早知道，佢噚日同馮仁昭講：「我知嘅，個女係同十幾個同學仔去澳門威尼斯人睇show，佢哋係畢業旅行團，放暑假去玩吓，大家都準備入大學，我幫佢哋訂咗間大套房。個女18歲有男朋友都好正常，我都見過佢男友，係同學唔係沙沙滾啲人。」
型爸苗僑偉原來一早知道，佢噚日同馮仁昭講：「我知嘅，個女係同十幾個同學仔去澳門威尼斯人睇show，佢哋係畢業旅行團，放暑假去玩吓，大家都準備入大學，我幫佢哋訂咗間大套房。個女18歲有男朋友都好正常，我都見過佢男友，係同學唔係沙沙滾啲人。」
苗彤同男友暢遊澳門，坐船都唔放過影相機會。
瞓喺梳化嘅苗彤俾男友手搭玉腿。
上載Facebook曝光
相中人又真係幾親熱，咁三哥有冇叫個女小心啲，唔好蝕底呀？三哥話：「冇咁嚴重，學校中一已經有教過，呢啲係常識。」對於管教兒女，三哥話：「我好信任啲仔女，佢哋自細都好乖。」
三哥後來同囡囡溝通過，佢話都睇過啲相，係有同學仔影完放上facebook，不過放埋呢啲相都係有心整蠱。三哥又話：「影相冇問題，不過要睇乜嘢場合同着乜嘢衫，佢咁啱唔適當咁着咗件浴袍。其實小朋友玩吓啫，我有叫佢影相都要小心啲。」
三哥後來同囡囡溝通過，佢話都睇過啲相，係有同學仔影完放上facebook，不過放埋呢啲相都係有心整蠱。三哥又話：「影相冇問題，不過要睇乜嘢場合同着乜嘢衫，佢咁啱唔適當咁着咗件浴袍。其實小朋友玩吓啫，我有叫佢影相都要小心啲。」
着住浴袍嘅苗彤攬住男友仔親熱影相，點知俾人放上網任睇唔嬲。