濠江賭業日見興旺,美國佬亦紛紛到來分一杯羮,下半年又有多1間大名鼎鼎賭場開張!雖然越嚟越多美資賭場出現,但論到各大場所最受歡迎項目,非大部份人士都認同有路可捉嘅「百家樂」莫屬。賭波嘅亞洲盤之所以受歡迎,相信原因亦然。
「單跳」、「拉長莊長閒」、「有黐冇黐」、「大眼仔」等,「百家樂」數埋就已經有幾十種唔同嘅路等你捉;亦冇話好似「大細」咁,整個圍骰出嚟通殺,開個「和」最多再嚟過。賭仔自不然心理上好過啲,又有捉路把握,所以你去到賭場見到最多人圍埋玩嘅,永遠係「百家樂」。
亞洲盤情況一樣,每支球隊都有自己盤路,長贏長輸、單跳、贏兩口輸1口等情況亦常見。基本上係唔使理各支球隊每場比賽要讓或受讓,齋睇條盤路走勢去捉路,已經OK。