【本報訊】何敏慧在臨盆前一星期產檢屬正常，為何女嬰卻臀部出先？香港婦產科學院發言人余啟文表示，臨盆時「嬰兒頭向上」情況不常見，每100個孕婦只有三個會出現，指臨盆產檢一般會用超聲波和靠手摸，「有時嬰兒嗰頭原本喺下面，但因為媽媽肚皮鬆，轉吓轉吓，早產嘅BB嗰頭轉咗位向上」。

每百個有三個夭折

他指今次女嬰嘉嘉臀部出先，屬高風險難產，「因為pat pat出先，然後到肚出，臍帶就會出，一出母體，臍帶就會停止輸送氧氣同養份畀BB，故一出臍帶，BB個頭必須喺一至兩分鐘內出母體，否則BB就會焗親」。部份嬰兒頸部亦被臍帶纏繞，他稱外國文獻記載，每A他指本港曾有臀部出先的難產嬰因缺氧而夭折，「因為出咗個身，但出唔到個頭，好似吊頸咁，結果夭折」。

余坦言，對醫生來說，這類難產屬難應付個案，「以今次呢個個案為例，BB已經出咗一半，根本開唔切刀，就算係醫生見到都會驚一驚，未必可以順利接生」。他形容今次是靠救護員經驗、產婦的努力及運氣等各項因素配合下，才順利誕下女嬰。
■記者謝明明