文化人也可成為成功商界奇才，現實中例子可能不多，尤其是做音樂的藝術家。認識一位資深音樂人，過去廿多年真正搵錢反而是在幕後為大品牌廣告創作廣告音樂及廣告歌。
當然，國際間最為人津津樂道的例子不得不講講剛於復活節期間仙遊的CD之父、SONY前社長大賀典雄，由拿着指揮棒指揮愛樂樂團，到發號司令指揮新力團隊，於上世紀80、90年代令集團業務大躍進，在音樂與娛樂領域皆成功締造劃時代的貢獻。
最近早上上班開咪途中，聽見收音機內香Sir介紹訪問嘉賓，PostProduction嘅CEO謝霆鋒，他走進財經電台接受訪問，相信閣下會如我般，第一時間不會意識到是大家由細睇到佢大嘅謝霆鋒。

成功搶佔本地廣告市場

聽完15分鐘訪問後，發覺佢除咗淡定外就係對自己業務好hands-on，用咗8年時間，更成功霸佔本地電視廣告後期製作8成市佔率。訪問前要求切勿驚動傳媒，非常醒目，完成訪問後連串鋪天蓋地雜誌專訪，更反映其部署之精細，擺明搞緊上市是也。
根據拉姑睇法，話就話家族裏未見過成功生意人，只是極相信其舅父即拉姑之弟在廣告界的經驗對其生意頭腦應提供了不少啟蒙。
最令人佩服的一點，是不少年輕人，每每講得多做得少，未做先講，猛然發現原來有人可以努力經營8年咁長，有成果才公告天下，做完才講，真是一個很明顯的明暗對比。
當大家發現成功商業奇才原來未必需要完成商業管理或MBA課程也可成功打造，父母根本亦不需要對子女過份憂心，因為每個時代自有每個時代的節奏，現代父母是否做得太多？現代子女又是否講得太多？

胡孟青
作者為獨立股評人