大摩經已連贏12個沙田賽日，但由於蔡約翰亦持續有馬贏，故他要在退休前復任冠軍練馬師，必須繼續加把勁。

周六（8日）呢兩位阿John都有不少質新馬出戰，兩人並各有一匹三歲馬提前於今早（5日）進行最後試跑。《蘋果馬經》晨操專家積奇對牠們的操練表現有不俗評價。

蔡廐「平海歡星」助手跳兩段，慢開直路稍加快，勤操已收身，翻步急密有勁，試閘速度上乘，已具爭勝水準。

摩廐「利害了」助手跟「活力飛彈」史卓豐拍跳三段，入直路並肩而馳，結果不分勝負地共同衝線；前駒戴面箍，勁力增強，角逐興趣提升。

來港前兩戰全勝的「平海歡星」兩課試閘都成功跑入頭二名，初出絕未可輕視；「利害了」上兩仗追勢不俗，今次增程爭勝機會大大提升。

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX