區永權上月初丁父憂，噚日喺社交網貼出父親當年出席其大學畢業時嘅舊相，懷念享年78歲嘅亡父。區永權噚日回覆傳媒時話：「其實過去一年，爸爸個肺功能都好差，不斷進出醫院。」問到有乜嘢想同天上嘅爸爸講？區永權話：「爸，多謝你！放心，我會好好照顧媽媽。爸爸生前嘅心願，想低調處理，唔打攪任何人！」

「謝謝養育之恩」

父親彌留時，區永權忙於工作，即使面對至親離開，佢仍要收起傷痛上台做司儀，為觀眾帶來歡樂，佢話：「某程度上『忙碌』係麻醉嘅靈藥。」
區永權噚日喺facebook悼念亡父時留言：「上個月的那一晚，我工作至半夜，收工後接到電話通知，說：你快不行了！收線後，儘管我與時間競賽，但遺憾的是……就只差一點點，來不及趕到醫院見你的『最後一面』！不過，醫生跟我說，雖然心跳停頓了，但在那個當下，你仍是聽到的！於是，我便按着你的肩膀，不停說、不停說、不停說，因為我真的相信，你是聽到的！爸，我們永遠想念你，感謝你的養育之恩！」
撰文：馮仁昭