韓國男團EXO兩名中國籍成員鹿晗同Kris，去年先後向SM事務所(SM)提出解約，雙方仲進行訴訟，但係佢哋未待合約糾紛解決完成就轉戰內地發展，由於兩人因為EXO個名一早已係內地吸納咗一班粉絲，所以佢哋係內地發展好順利，電影、廣告接不停。

唔知SM係唔係見佢哋咁成功，噚日就即刻發咗聲明話佢哋無視合約、信賴及道德，仲特別點名鹿晗，同埋邀請鹿晗拍廣告嘅廣告商，仲話已經係前日係上海法院提出訴訟。

對於SM嘅聲明，鹿晗方面今日亦都發表聲明，指摘SM所發嘅聲明有誤導同混淆是非嘅成份。而鹿晗今日就低調去咗央視成春晚綵排，至於Kris就係成都宣傳電影。

至於韓國方面，鹿晗同Kris與SM嘅合約糾紛，今日亦都係首爾中央地方法院分別進行第三同第四次調停，但最終雙方辯護律師未能達成共識，將會進行下一次調停。