效力AC米蘭，有「新保方」之稱嘅18歲門將基安盧基當拿隆馬，近一年被傳有唔少歐洲豪門有意簽佢，包括曼聯、曼城、皇家馬德里、巴黎聖日耳門同埋祖雲達斯，加上佢遲遲都未肯動筆同AC米蘭續約，離隊傳聞越傳越烈。不過《羅馬體育報》喺周日報道，話當拿隆馬將會喺周一或周二正式同AC米蘭續約，據報年薪會加到400萬歐元（約3,500萬港元）。