藍田區屬於人口老化地區，區內約有11萬人口，長者佔六成以上，當中不少為獨居長者，缺乏家人照顧，92歲的朱婆婆是其中一個例子。
朱婆婆身世坎坷，20多歲便守寡，獨力撫養一名兒子成人。朱婆婆從事車衣女工數十年，直至九年前因為身體欠佳才退休，由於兒子無力供養她，且於早年移居外地，朱婆婆晚年惟有靠綜援金過活。朱婆婆歎道：「個仔好多年冇返嚟香港睇我，自己又唔想入老人院，惟有捱得一年得一年。」
在港舉目無親的朱婆婆，因行動不便，平日甚少社交娛樂，加上經濟緊絀，生活甚感寂寞。
「過時過節都係一個人，梗係悶，好似端午節咁，以往我會自己包幾隻糭應吓節，不過，近年精神唔好，冇再包囉，舊年都係多得老人中心啲義工送糭嚟畀我食，佢哋咁關照我，好開心。」白髮蒼蒼的朱婆婆由衷地說。