全新一輯嘅經典美劇《X檔案》（X-Files）已經喺日前首播，兩位老拍檔「郭探員」姬莉安德遜（GillianAnderson）同「莫探員」大衞杜楚尼（DavidDuchovny）再攜手合作。

現年55歲嘅大衞日前喺荷李活星光大道獲頒名人之星，有唔少粉絲捧場，不過佢嘅好拍檔郭探員就冇現身，唔知係咪因為咁，佢有少少悶悶不樂。

嚟支持佢嘅有《X檔案》創作人ChrisCarter，大衞話如果冇Chris就冇佢，Chris喺事業上幫咗佢好多。大衞形容獲頒名人之星係夢想成真。