由韓國女星朴敏英夥拍男星朴敘俊合作嘅tvN新劇《金秘書為何那樣》，上周首播後獲得好成績及口碑，大受劇迷歡迎。而韓國企業評價研究所今日公開咗6月嘅演員評價排行榜，朴敏英成功打入第三名，僅次於主演韓劇《漢摩拉比小姐》嘅男星成東日及女星高雅娜，至於朴敘俊就排第4名，可見《金秘書》嘅火熱程度。

而《金秘書》將於今晚播出第3集，劇組今日公開咗金秘書(朴敏英飾)與一名男子相睇嘅場面。該名男子係時事記者，有英俊嘅外表、平凡嘅家庭、溫室善良嘅性格，完全係金秘書嘅理想型。當金秘書為該名男子整理領帶時，被跟蹤金秘書嘅副會長李英俊(朴敘俊飾)見到，令佢嬲豬呷醋大叫「金秘書」。對於副會長嘅突然出現，金秘書就嚇到驚慌失惜，更低頭嘟嘴，似乎埋怨副會長嘅出現，獲劇迷大讚可愛。

更多韓流，喺晒《娛果》
http://fb.com/appledailyent