【梁洛施帶仔去韓國】劉嘉玲應采兒北海道滑雪 5歲小小春首次獻技

蘋果日報 2018/12/27 12:20

梁洛施徐濠縈劉嘉玲梁朝偉陳小春應采兒
    呢個聖誕節，好多明星趁假期外遊，亦有唔少明星鍾情滑雪，好似劉嘉玲同梁朝偉，差唔多年年都去日本滑雪，而梁洛施（Isabella）亦同囝囝去咗韓國滑雪度假。至於陳小春應采兒兩公婆，就帶囝囝「小小春」陳胤捷（Jasper）去咗北海道滑雪，今次仲係Jasper第一次滑雪㖭！早前傳應采兒疑有喜，今次佢仲去滑雪？究竟係咪有喜？（相關新聞︰ https://bit.ly/2V5oZ6K）
    嘉玲同偉仔每年都好鍾意去北海道滑雪，今年都唔例外，嘉玲連日來都喺Ig上載片同相，今朝一早佢哋就上山滑雪，嘉玲留言︰「powder snow」現場都好大雪。噚日係boxing day，嘉玲仲貼咗偉仔拆禮物嘅相，偉仔笑得好開心。
    同喺北海道滑雪嘅仲有陳小春一家三口，應采兒日前已經喺fb貼咗5歲囝囝Jasper滑雪嘅片，年紀細細嘅Jasper一啲都唔驚，仲有姿勢有實際。今日應采兒再喺Ig上載3條片，都係Jasper滑雪，可能玩咗幾日，佢滑得好定，聽到外籍教練讚佢good job，仲提佢小心有樹同埋叫佢慢番啲。應采兒對於囝囝首次滑雪留言話︰「第一次滑雪，mommy表示很滿意。」不過片段中，就唔見父母陳小春同應采兒，至於傳有喜嘅應采兒，有冇玩度就唔知喇！
    同樣都喺日本滑雪仲有「肯雅徐」徐濠縈，佢喺Ig story由噚晚夜間滑雪，到今朝只有零下13度嘅滑雪情況都有影，不過片中就唔見阿女，而老公陳奕迅都有同行。
    而三子之母梁洛施，就去咗韓國滑雪，佢今朝一早就拍片上載Ig，片中仲有囝囝，係大仔長治定孖仔就唔知喇！片中Isabella坐車去緊滑雪場，佢用國語話︰「大家早，現在是早上7點，大家看看，猜猜我們去哪？今天的早餐是blue berry muffle，我愛吃的甜甜，還有早上的咖啡，拜拜。」之後另一條片，Isabella同其中一個囝囝講︰「咪郁，舉高雙手。」囝囝好開心咁呀呀聲叫。
    精選娛聞，喺晒《娛果》
    http://fb.com/appledailyent
    empty
    陳小春一家三口去咗北海道過聖誕。（Ig圖片）
    empty
    小小春Jasper首次滑雪，媽咪好滿意。（Ig截圖）
    empty
    Jasper跌底都冇喊。（Ig截圖）
    empty
    有網民喺現場影到應采兒，唔知係咪有孕呢？（微博圖片）
    empty
    佢同囝囝Jasper。（微博圖片）
    empty
    嘉玲同偉仔，差唔多年年都去滑雪。（Ig截圖）
    empty
    今早佢哋出發去滑雪。（Ig圖片）
    empty
    嘉玲日前玩食雪。 （Ig截圖）
    empty
    嘉玲噚日貼咗呢張偉仔拆禮物相。（Ig圖片）
    empty
    梁洛施去咗韓國滑雪。 （Ig圖片）
    empty
    今早佢出發去滑雪場。（Ig截圖）
    empty
    佢仲同其中一個仔玩舉高雙手。（Ig截圖）
    empty
    徐濠縈都喺日本。 （Ig圖片）
    empty
    徐濠縈噚晚零下8度下滑雪。（Ig截圖）
    empty
    徐濠縈今早又去滑。（Ig截圖）