今日2月14係西方情人節，咁啱踏正農曆正月十五元宵佳節，亦即是中國情人節，中西情人節打孖上，每隔19年先相遇一次，大家諗定點同另一半慶祝未呢？今日天氣繼續好凍，情侶們可以拖實或者攬實對方取暖，咁就幾凍都唔怕啦。

預料冬季季候風喺今明兩天繼續為本港帶嚟寒冷嘅天氣，但隨著季候風在下週初被一股和暖的海洋氣流取代，本港氣溫將顯著回升。

天文台預測(2月14日，星期五)大致多雲。早上嚴寒及有一兩陣雨，市區最低氣溫約7度，新界再低兩三度。下午部分時間天色明朗，最高氣溫約11度。吹和緩至清勁北至東北風，初時離岸間中吹強風。

展望：星期六早上仍然寒冷。隨後兩三日氣溫顯著回升，早晚有薄霧。