葉寬柔直言,「警員之間日對夜對,會唔認得係邊個警察?林鄭話監警會行之有效,我都唔知笑好定喊好」。她又批評警方,過往既然曾發生因無法辨別警員身份導致市民投訴無門,為何今次仍容許速龍小隊隱瞞警員編號。
6.12示威者金鷹指,速龍小隊任意隱瞞編號等行為,反映警隊紀律鬆散,「連阿sir都隻眼開隻眼閉!李家超竟然仲包庇話係制服設計問題!」金鷹強調示威者應繼續狙擊政府對衝突定性的說法,因說法是控告濫權警員的重要理據,「盧偉聰話冇講過係暴動,咁警方當時職務只係趕人上返行人路,但出現咗咁多暴力行為,已經唔係執行職務,係施暴!絕對可以告得入!」
■記者林凱潼