【本報訊】建築大師貝聿銘設計的銅鑼灣新寧大廈拆卸重建，地下著名的意大利餐廳Da Domenico昨黯然結業，常客前高官唐英年昨午與太太和女兒到來品嚐招牌菜紅蝦意粉，餞別名廈。

到意國餐廳嚐紅蝦意粉

唐英年昨與太太郭妤淺和其中一名女兒到Da Domenico午膳。唐表示跟老闆相識多年，「所以一定嚟捧吓場，第日（重開）一定會再幫襯。今日食咗紅蝦意粉，同埋拿手菜式。」唐太也讚賞食物美味。
四名不願透露姓名的食客卻有不同意見，其中一名女食客說：「唔知係咪因為最後一日，啲嘢一啲都唔新鮮。如果佢（唐英年）話好食，即係佢水平好低。」另一常客黃小姐昨宴請新加坡朋友品嚐該店名菜，四人共花費約4,000元，她維護食店，「最後一日一樣咁好味，佢可能嚟得少，唔知道紅蝦係咁質地。」
另外，貝聿銘助手回覆本報稱，貝聿銘已退休，不評論業主希慎興業拆卸新寧大廈計劃。市民陳女士昨到新寧大廈拍照，表示很可惜，「今日當嚟瞻仰遺容。」

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange