【洪天明認損信任】周家蔚戴婚戒現身:對佢100%信任 成件事係誤會
洪天明周家蔚
洪天明日前疑拖女現身酒店單嘢,已經三日,但周家蔚未有出post撐老公,而洪天明在今日出版之周刊訪問中,亦承認事令太太周家蔚唔開心。洪天明謂此事暫時冇影響婚姻關係,但太太對他的信任,難免受影響,故他會繼續同太太溝通。另一方面,洪天明所屬經理人公司銀河海潤獨家接受大陸傳媒訪問,稱洪天明當晚係飲酒累事,就係因為佢飲咗太多,不勝酒力,咁呢個女仔就好心扶佢,扶扶下就「順勢」拖埋手,又強調乜嘢事都冇做嘅。
今日下午二時半,化了妝的周家蔚離開將軍澳村屋,化行妝扮到好靚,手上仍戴住鑽石戒指。家蔚透露天明正回家,問到現在與天明關係?佢話﹕「OK呀,冇乜特別,純粹一場誤會。」問到係咪信任老公?家蔚不停點頭話﹕「冇乜特別。」但聽到記者話天明拖女仔上房,家蔚即皺一皺眉頭話﹕「誤會囉,飲醉酒。(100%信任?)信任。」跟住佢就上車,透露現在去參加陳敏之囝囝嘅生日會。雖然化咗妝,但仍隱隱見到一雙眼袋,似乎呢幾日都瞓得唔好。
此外,周家蔚今日回覆《蘋果》,亦重申:「我相信天明,天明對我和對家庭都是很負責任的!純粹一場誤會,謝謝大家的關心!」
更多娛聞,喺晒《娛果》
http://fb.com/appledailyent
「天明對我和對家庭都是很負責任的!純粹一場誤會,謝謝大家的關心!」
其間,佢錄音傳Whatsapp,唔知係咪同老公天明聯絡呢?