商台DJ阿檸（薛晉寧）一連4個星期六舉行的talk騷《Cheap Advisor》昨晚在灣仔進行尾場演出，時值 香港 風雨飄搖的時刻，因反送中運動掀起的風暴 至今已兩個多月，早在talk騷開始前阿檸已透露會大談香港近月來種種荒謬事，鑑於這場逆權運動每天都有新鮮事發生，阿檸直言每日都要修改talk騷內容，故此每星期的演說內容都不盡相同。

終於來到最後一場演出，阿檸表示心情平靜並無緊張的感覺，他說：「我都希望觀眾入場可以開心吓笑吓，過去呢幾場嚟嘅朋友大家都明白呢啲苦笑，係好無奈地搵啲事嚟笑吓。」

換個角度看這段時間的香港，何嘗不是笑料百出？就如這幾天不停有人聲稱愛國愛港，支持警察的人士到阿檸所屬的商業電台示威，聲稱商台節目立場偏頗，但又不能正確指出是哪一個節目，阿檸說：「見到佢哋都幾開心呀，話要嚟商台示威就去咗港台，當我以為佢哋真係去港台示威時，又返番嚟商台，證明佢哋嘅本質係從來冇變過。」

完成幾場演出後，阿檸可會想放假休息，讓腦袋清靜放空一下？他表示正有此打算：「我都想呀，去散吓步囉，應該都係去金鐘發吓夢咁囉。」

阿檸又透露正首度嘗試執導舞台劇，現正在籌備階段預計在11月演出，內容可能已成長或社會時事為題，要藝人們談論社會時事彷彿已成現在的禁語，還要想邀請他們演出過程可有困難？他直言：「真係難㗎，但我都係以劇本故事為先，睇吓到時搵唔搵到人囉。」