與韓國神劇《太陽的後裔》女星宋慧喬相交20年嘅韓國女歌手玉珠鉉，早前上咗節目tvN節目《Talk Mon》，仲喺節目內認整容。

現年37歲嘅玉珠鉉係當年紅爆一時嘅Fin.K.L.組合成員之一，佢喺節目內提到組合推出第一張專輯《Ruby》時，當時佢已自己開始化妝，玉珠鉉自爆因為覺得當時同Fin.K.L嘅珠光化妝同自己唔襯，更唔小爆口話：「嗰時雙眼皮都仲未消腫。」大方認咗曾整容。

玉珠鉉當時為了能更加上鏡，所以會試唔同嘅化妝技巧，佢仲話當時佢嘅眼睫毛係一條條咁黐上去，而喺「想當年」同佢一樣條條眼睫毛黐上去嘅藝人就只得金惠秀，令佢同金惠秀都出晒名。不過玉珠鉉坦言如果係天生麗質，就算唔化妝都係美女一名，但自嘲好似佢咁嘅樣，就一定要靠後天努力自己去創造美麗，所以佢嘅化妝技術同樣頂瓜瓜。

更多韓流，喺晒《娛果》
http://fb.com/appledailyent