對於港股今早大升，豐盛金融資產管理董事黃國英預期，港股稍後暫時會反覆向好，不過不會一枝箭升，今日有少少overshoot（升勢過度），需要唞一唞氣，然後逐步向28,000點進發，相信向上機會遠遠高過向下。

至於散戶手持多現金，應怎樣做？黃國英謂：「多cash，睇你自己belief（信念），繼續信cash is king就唔好買，唔信咪買啲咯。唔係講緊應唔應該嘅問題，而係同你講多冇用，係你自己belief嘅啫，基本因素唔會好快有大改善住，冇人會因為90日停火期而好大額做投資，如果出嚟結果唔知，邊度夠膽做重大投資，基本因素改善冇乜，暫時係情緒改善啫。」

大sector裡面，澳門仍然落後大市很多，可以考慮，騰訊（700）仍有空間。從短炒角度要揀中國相關股，從投資角度，香港地產股及騰訊依然較好。

全球樓行 Dream House零距離
https://hk.feature.appledaily.com/overseasproperty