當年今日
關於我們

集齊夏日3寶

蘋果日報 2006/05/27 00:00


做人好矛盾,覺得冬天衫較夏天衫靚,有褸又有Boots,那一刻就覺得冬天比夏天好,但到冬天又硬係好想夏天快啲到,背心、熱褲Show鎖骨,唔使臃臃腫腫,嗰一刻又覺得夏天好。夏天真正逼埋身,熱咗幾日又好似好辛苦咁,自己本身好怕熱,每年為消暑都絞盡腦汁,夏日3寶背心、短褲、涼鞋都係我嘅抗熱作戰武器。
據我經驗,想無咁熱,着背心永遠比着Tee涼快,怕手粗應盡量避免着粗帶背心,或者用外套搭吓膊頭,五顏六色小背心着上身份外有青春活力,再加一條短褲仔,立刻變得又美麗又涼快。今期6月號《Mini》就係涼快之選特集,可以盡覽全新背心、涼鞋、短褲新貨,有晒Styling教埋你點襯,唔想諗、逐頁抄都有着落,加埋條隨書附送嘅ByeByeBear手巾仔,集齊一套同炎夏戰鬥絕對不成問題,不過最後要升格至引起艷羨目光,當然要回歸到女士們夏天最大煩惱──Keepfit啦!
empty
empty