【武漢肺炎】羅敏莊與囡囡留家抗疫 玩啤牌齊變花面貓
蘋果日報 2020/03/02 17:07
羅敏莊陳禛武漢肺炎
（facebook圖片）
武漢肺炎影響下，教育局宣佈全港學校停課，直至學校復活節假期結束，即最早在下月20日復課。身為家長的羅敏莊，為在這段抗疫時間陪囡囡陳禛而費盡心思。今日凌晨時份她上載多張跟囡囡劃花面貓照片，留言表示：「玩啤牌輸咗嘅結果……」
《蘋果》記者致電羅敏莊，她表示昨晚在家跟囡囡玩啤牌鬥大，輸的一方便劃花面，結果兩母女也變成花面貓，由於她老公陳國邦身在馬來西亞工作，所以便透過視像給老公看兩母女花面貓模樣。講到囡囡停課至4月，羅敏莊表示：「如無必要都係留喺屋企，至多買餸時帶佢出去食個快餐。」問為何不飛去她至愛的泰國跟囡囡休息，羅敏莊說：「因為呢段時間唔敢搭飛機，大人就可以話乜都唔掂唔去厠所，但細路仔唔可以吖嘛！同埋飛機係密封，我寧願唔飛，都好過個女染到病啦。」
《果GYM》隨身播 健身壹App過！
羅敏莊跟陳禛家中玩啤派鬥大，輸的一方被劃面，結果打成平手。（facebook圖片）