「土地大辯論」4月底已經揭開序幕，呢場大龍鳳…哎，係大辯論，到底可以為香港增加幾多土地供應，係咪幫到手解決你同我嘅住屋問題？其實土地一直在身邊，蚊型地都起到牙籤樓豪宅，成170公頃嘅高爾夫球場，就忽然要顧及高球運動員練習所需唔准掂；丁屋可以變「丁廈」，碼頭上蓋都可以去馬，成為你我他嘅家？

摘去鮮花真係種得出大廈？各位蘋民鄰近土地又可以嗎？《蘋果》而家就搞番場「土地大搜查」，如果各位蘋民日常生活聽講過、目睹過，有邊度被人盲搶地起插針樓，邊幅土地曬足三五七年太陽都未郁過，邊幅係過度開發、邊度係浪費土地資源，歡迎各位將詳細資料、地點同相片send嚟《蘋果》，記得留低聯絡方法以便跟進，即刻同你睇清睇楚。電郵地址： [email protected]