【本報訊】「點解我哋冇份？」雙眼遺傳弱視的的志英年約40歲，被評為嚴重殘疾，不合資格用兩蚊優惠搭車。08年政府向100%殘疾程度的人士每月發放215元交通補助金，她沒有份，今次兩元車資優惠的新措施，她也不屬受助之列，「我哋都係殘障，我哋都好需要幫助」，堅持不領綜援，自力更生的她說。

「唔想攞綜援」

任職文員的志英居於彩虹，每日往返尖沙嘴上班，月入約6,500元，每月車費開支近500元；丈夫完全失明，無法工作，兩口子生活捉襟見肘，「我哋冇生仔女，都係驚經濟負擔」。她說兩元車資優惠至少可減輕生活負擔，「可以有少少寬鬆」；如今希望落空，惟有繼續撐下去，「唔想攞綜援」。
患有肌肉萎縮症的文仔，被評為永久傷殘，合資格以兩蚊搭車。為節省車費，他兩年前由屯門搬到黃大仙公屋，跟居於天水圍的母親分隔甚遠，只能每月探望一次，「我哋由05年爭取到家，遲咗好多，但好過冇，唔使咁辛苦」。心水清的他說，提供車資優惠應屬公共交通營運商的社會責任，對政府補貼有保留。