睇中創業成本僅及港四分一
地獄廚神徒弟北上開餐廳

蘋果日報 2017/08/09 05:20

地獄廚神蔡家富

蔡家富(Gabriel)的爸媽與天下父母一樣,希望小孩生活安穩。即使廚神徒弟名銜響噹噹,但他直言「阿爸阿媽話供書教學咁多年,你去做廚房,佢哋覺得好失望」,更怕他「半途出家就搵唔到工」,所以他願意花上6年時間先滿足他們的期望,在大專執教鞭同時做廚藝節目主持,用行動證明自己的堅持,及有出路謀生。
兩年前他選擇到內地創業,全因做飲食節目時遇上拍檔主持Ricky師傅,獲邀一齊北上開平價西餐廳,「好多開餐廳嘅都好有家底,否則正常一個廚師,講緊可能係用一生人嘅首期去博一鋪」。香港競爭大、成本高昂,餐廳要熬過創業期殊不簡單,當初Gabriel答應北上創業,全因計過數:「香港可以話贏面小,更需要投入大量資金,而內地只係四分一投資額。」
蔡指內地成本低香港一大截,例如一間約1,300呎的舖位,在內地租金只佔成本低至一成,其餐廳午餐人均消費約40至50元(人民幣.下同)、晚餐80至90元,勤快點一日做足4餐,第一間餐廳3個月時間已回本,現時更成為網紅店,常有人請求加盟。
看其位於江門餐廳的餐牌,一客肉醬意大利麵25元、鐵板牛扒48元、心太軟25元,但對三、四線城市來說相信已是中高價。Gabriel稱「江門人除咗食之外冇乜娛樂」,他跟拍檔已於江門投資7位數,開設兩間西餐廳及中央工場,第二間餐廳最近已開張。
當年Gabriel於外國做西餐,日做16、17小時,「以為好犀利?但我𠵱家日做20小時」,他仍甘之如飴,但數到犧牲最大的,就是與太太及兒子分隔兩地,Gabriel笑說:「我太太同小朋友絕對唔會返內地,我講過禍不及妻兒。」
鍾情西餐的Gabriel還想抽時間到歐洲再學廚,繼而殺上中山、佛山開舖,兼且發展其他西式fusion菜,不過他說最終目標是回來香港開一間有誠意的小店,希望可凝聚一班有心的廚師。