當年今日

【圖輯】 《OnCall》馬國明將軍澳炒車爛面

蘋果日報 2013/05/12 06:00


馬國明同楊怡今日於將軍澳為劇集《OnCall36小時II》拍攝外景,劇情講馬明遇車禍,楊怡為佢急救。現場仲有一件頭阿媽黃淑儀。上一秒仲聽緊講解點拍,下一秒就喊晒,果然演技派。至於馬國明BB,佢面上皮膚一向麻麻地,日光日白,一望之下,塊面嘅「凹凸洞」,似乎好明顯吓…

唔知大家有冇覺得,楊怡每拍親喊戲,個鼻都係特別紅得好勁,又特別紅得快。如果陳豪嘅係「紅到面晒」,咁楊怡就係「紅到鼻晒」。問楊怡其緋聞男友羅仲謙有冇趁住母親節行外母政策?楊怡即大耍太極話好忙,乜政策都冇得行。

之前有傳陳豪都放緊聲氣,想唔續約、改為返內地拍劇搵人仔。今日「魚頭」——一條頭馬明同魚仔楊怡都話好想返內地拍劇,不過檔期暫時遷就唔到。楊怡透露公司已經開始同佢傾續約,到時會提出叫公司畀時間佢返內地拍劇。



逢周五隨《蘋果日報》附送嘅時尚美容雜誌《add》雖然早已派完;拎唔到書嘅朋友,可以上番《add》嘅官網 http://hk.add.nextmedia.com/睇番足本網上版,除咗有李嘉欣訪問,仲有好多時裝靚嘢睇!