屯門蝴蝶邨商場一童裝店，受樓上酒樓廚房部「浸豬缸」滲水波及，童裝店天花板每月最少漏水四次，事件擾攘已十二年，房署明知滲水源頭仍懶理，至今未為小租戶解決「水患」。租戶不滿房署袒護大酒樓，忽視小租戶權益。

「每次一漏水就頭痛，啲水好似落雨咁流落嚟，每次都係拿拿聲搵隔籬舖同埋管理處嘅人幫手兜住啲水同拉開啲衫，如果唔係損失慘重。」
租用屯門蝴蝶邨商場二樓一舖位經營童裝店二十年的郭小姐投訴，十二年前開始受漏水困擾，每次門閘頂滴水，就有如下雨一樣，可以裝滿兩大桶。

門閘頂設「防水兜」
為了減低損失，郭小姐說，她七年前於門閘頂加裝一個用膠袋製的「防水兜」，雖然有礙外觀，但起碼減少每次滴水時手足無措情況。
「啲水又黃又臭，掂到啲衫都唔要得！」郭小姐埋怨，有次更於收舖後漏水，次日開舖才知全店水浸，損失衣物共值一千餘元。
她說，多年來向房屋署及管理公司投訴，最初不知道漏水源頭，後來房屋署查悉水源來自樓上大酒樓廚房部的浸豬缸（製作燒豬過程中一個浸豬步驟時用），但問題並無因此而解決。
「我打過去房署問，有位商業樓宇科職員答覆話呢個係結構問題，重話冇辦法，一係向酒樓索償，一係搵房署。」
郭小姐認為房署職員不負責任，任由大酒樓繼續滲水，無理會小租戶的感受。「房署只係顧住大租戶嘅利益，查到佢哋漏水，點解唔制止？重繼續畀佢影響到其他租戶！大家都係畀錢交租啫！點解有唔同待遇！」她希望根治漏水問題，安心繼續經營這售賣童裝的祖業。
房屋署跟進本報查詢後函覆指出，經房屋署保養測量師調查，由於童裝店樓上之酒樓廚房浸豬缸滲水，為解決滴水問題，酒樓必須在浸豬缸位置進行防漏工程。房署已積極聯絡酒樓，要求進行防漏工程。