日本女星滿島光由偶像派轉型成性格演員，於影視界發展唔錯，今年3月佢離開前公司作獨立發展親自接Job，之後工作量明顯減少。

報道指，滿島光於東京租咗一個單位，用作居住與工作用途，佢唔要經理人，以個人名義接Job，似乎係想效法已故老牌女星樹木希林嘅方式工作。

滿島光明年將會演出兩個舞台劇，仲有一部電影剛拍完，亦無財政困難，現時以自由身接工作，就只會選擇自己喜歡嘅工作。有電視台人士就爆料指現時滿島光態度令佢哋相當頭痕，由於滿島光對於唔喜歡嘅工作唔會直接推，反而選擇唔回覆，推慢劇集籌備時間，令相關工作人員相當不滿。

精選娛聞，喺晒《娛果》
http://fb.com/appledailyent